Boere slaan hand aan die ploeg om ander in droogtegeteisterde gebiede by te staan

Standerton
Vragmotors wat die pad na Aberdeen aangedurf het. Foto verskaf.

‘n Groep boere het op 23 November vanaf verskeie plekke in die omgewing vertrek en bale en voer vir boere op Aberdeen in die Oos-Kaap geneem.

Dié boere was dit eens dat dit ‘n gesamentlike gemeenskapsprojek was.

Boere en vragmotoreienaars van Leandra, Bethal, Val, Standerton, Lothair, Betlehem, Johannesburg, Wesselsbron en omliggende dorpe het aan dié projek deelgeneem.

Altesaam 22 vragmotors het die lang pad aangedurf.

Ses ander vragmotors, wat nie in die konvooi gery het nie, het ook voer na die Kaap geneem.

Die boere en eienaars van vragmotors het ander in die gemeenskap aangemoedig en uitgedaag om ook betrokke te raak en hul hande na boere in nood uit te reik.

“Elkeen moet eintlik so iets beleef om te sien wat swaarkry en ellende werklik is,” het een van die boere gesê.

  AUTHOR
Standerton Advertiser

Latest News

COMMENTS

Top